車路士鍾情意大利領隊。(Getty Images)

處於重建期嘅車路士，去年聘請意大利領隊馬利斯卡執教，第1季即贏得歐協聯冠軍，延續車路士嘅「藍血」傳統。車路士成為第1支贏晒歐洲所有重要賽事錦標球隊，而且佢哋每一項歐洲冠軍，原來都有意大利人做領隊。

車路士喺90年代尾走向國際化，已故意大利傳奇維埃里，喺1998年以領隊兼球員身份，帶領球隊贏得歐洲盃賽冠軍盃同歐超盃；去到2012年，前意大利中場迪馬堤奧季中上任，以臨時領隊身份幫車路士贏歐聯冠軍；2019年，意大利領隊沙利又帶嚟歐霸盃冠軍；今季輪到馬利斯卡領軍贏得歐協聯。車路士嘅「歐洲大滿貫」故事，都係由意大利領隊書寫。

馬利斯卡上季帶領李斯特城由英冠升上英超，今季車路士一度沉淪，有傳球會考慮再換領隊，不過車仔最終都完成任務，喺英超拎到歐聯參賽資格，亦有冠軍獎盃落袋，消息指車路士將會繼續對呢位意大利領隊投以信心一票。